БНХАУ-ын Засгийн газрын тэтгэлэг

Бакалавр, мэргэжил дээшлүүлэгчдэд зориулсан БНХАУ-ын Засгийн газрын тэтгэлэг /2014-2015/

БНХАУ-ын Засгийн газрын 2014-2015 оны хичээлийн жилийн тэтгэлэг зарлагдсан тул сонгон шалгаруулалтанд оролцох хүсэлтэй бакалаврын 1, 2 дугаар ангийн 3,0-аас дээш голч дүнтэй оюутнуудыг 2014 оны 02 дугаар сарын 27-ны 18:00 цаг хүртэл ХААИС-ийн Гадаад, дотоод хамтын ажиллагааны албанд бүртгэнэ. Бүртгүүлэхдээ:

1. Дүнгийн тодорхойлолт
2. 1 хувь цээж зураг
3. Шалгалтын хураамж 5000 төгрөг авчирна.  

БНХАУ-д Засгийн газрын тэтгэлгээр мэргэжил дээшлүүлэх сонирхолтой багш, судлаач нар 2014 оны 03 дугаар сарын 02-ны өдрийн 10.00-18.00 цагийн хооронд Хүмүүнлэгийн ухааны их сургуулийн хичээлийн 2 дугаар байрны 1 давхрын 102 дугаар өрөөнд өөрийн биеэр очиж бүртгүүлнэ. Бүртгүүлэхдээ:

1. Иргэний үнэмлэх, нотариатаар баталгаажуулсан хуулбар;
2. Ажил байдлын тодорхойлолт;
3. Дээд боловсролын зэргийн дипломууд, тэдгээрийн дүнгийн жагсаалтын нотариатаар баталгаажуулсан хуулбар
4. БНХАУ-д бакалаврын боловсрол эзэмшсэн бол ямар зардлаар суралцаж төгссөн тухай сургуулийн албан ёсны тодорхойлолт;
5. Суралцах хөтөлбөр, төлөвлөгөө (500-аас цөөнгүй үгтэй)
6. Эрдэм шинжилгээний бүтээлийн жагсаалт (соёл урлагийн чиглэлийн мэргэжил дээшлүүлэгчид өөрийн 2 бүтээлийг CD, VCD-нд буулган хавсаргана)
7. Шалгалтын хураамж 7000 төгрөг тус тус авчирна.

Дэлгэрэнгүй мэдээлэл, шалгалтын хуваарийг хавсралтаас үзэх буюу БШУЯ-ны http://www.meds.gov.mn/china2014-2015 цахим хаягаас авна уу.